"Շուշի" հիմնադրամը բելգիահայ բարերար Ժ. Պողոսյանի եւ Բեյրութի կաթոլիկ համայնքի օժանդակությամբ 2004-05 թթ. $25 000 գումարով իրականացրել է հետեւյալ աշխատանքները.
1. 525 հուշարձանների հաշվառում, քարտեզագրում:
2. (Մ 1:2000 եւ 1:5000), տվյալներով եւ լուսանկարներով ցուցակի կազմում:
3. 17-19-րդ դդ. 220 պաշտամունքային, պալատական, հասարակական եւ բնակելի շինությունների ճարտարապետական չափագրումներ, մուտքագրում համակարգչային ծրագրի մեջ:
4. Քարե եւ բրոնզեդարյա դամբարանների, հին ամրոցի հնագիտական պեղումներ բերդաքաղաքի եւ շրջակայքի վեց կետերում, գտածո նյութերի մշակում եւ ուսումնասիրում:
5. Երեւանի Մաշտոցի անվան մատենադարանում ուսումնասիրվել, պատճենահանվել եւ մուտքագրվել է Շուշիի եւ Արցախի XII-XIX դդ. պատմությանը առնչվող շուրջ հազար նորահայտ նյութեր:
     2005 թ. սեպտեմբերին սկսվել է "Արցախյան գոյամարտի համահավաք" ծրագրով Արցախյան շարժման, ջոկատների կազմավորման, պատերազմի մասնակիցների ձայնագրումը, դրանց համակարգչային մուտքագրումը, նյութերի ուսումնասիրությունն ու խմբագրումը: Այս աշխատանքի արդյունքով կհրատարակվի մատենաշար: Ծրագրի հովանավորներն են Վահագն Հովնանյանը, Արթուր Ալեքսանյանը եւ Նինա Հովնանյան-Ալեքսանյանը:


"Շուշի" բերդաքաղաքի եւ նրա շրջակայքի մշակութային ժառանգության ուսումնասիրման համալիր ծրագրով իրականացնել հետեւյալ աշխատանքները.
1. Առանձին գրքով լույս ընծայել հիմնադրամի ճարտարապետական արշավախմբի աշխատանքների արդյունքները` 18 – 19-րդ դարերի հասարակական, պաշտամունքային եւ քաղաքացիական շինությունների չափագրությունները, լուսանկարները, քարտեզները: Ծրագրի ծախսերը` 12 000 $
2. Շարունակել Շուշիում եւ նրա շրջակայքում 2005 թ. հիմնադրամի արշավախմբի սկսած հնագիտական պեղումները, մշակել եւ վերականգնել հնագիտական նյութերը, ուսումնասիրել եվ արդյունքում նախապատրաստել գիրք: Ծրագրի ծախսերը` 15 000 $:
3. Հրատարակել Երեւանի մատենադարանում ուսումնասիրված եվ հավաքվոծ Արցախի եւ Շուշիի 12 – 18-րդ դդ. վավերագրերը: Ծրագրի ծախսերը` 10 000 $:
4. ՀՀ Պատմության արխիվում ուսումնասիրել եւ հավաքել Արցախի եւ Շուշիի 18 – 19-րդ դդ. պատմությանը առնչվող նյութերն ու վավերագրերը, արդյունքում նախապատրաստել գիրք:
5. Կազմել հատուկ արշավախումբ Շուշիի սարահարթում եւ կիրճերում գտնվող քարանձավները ուսումնասիրելու համար: Ծրագրի ծախսերը` 10 000 $:
6. Կազմել հատուկ արշավախումբ, ուսումնասիրել Շուշիի 17 – 19-րդ դդ. գերեզմանոցների տապանաքարերը, արդյունքներով նախապատրաստել գիրք: Ծրագրի ծախսերը` 10 000 $:
7. Շարունակել ''Արցախյան գոյամարտի համահավաք'' ծրագրով աշխատանքները, նախապատրաստել եւ լույս ընծայել մատենաշարի առաջին հատորները: Խմբագրել եւ DVD սկավառակի վրա անցկացնել ձայնային եւ տեսագրված նյութերը: Ծրագրի ծախսերը` 100 000:
8. Շուշի բերդաքաղաքում հիմնել Շուշի բերդաքաղաքի եւ նրա շրջակայքի մշակութային ժառանգության եւ պատմության ուսումնասիրման կենտրոն:
9. Ուսումնասիրել Շուշիի, Ստեփանակերտի, Երեւանի, Մոսկվայի, Ս.Պետերբուրգի եւ Բազելի արխիվներում պահվող Շուշիի մասին նյութերը, պատճենահանել (sqan), հրատարակել նյութերի կատալոգ, ապա եւ նյութերը` երեք հատորով (13 000 $):
10. Մշակել Շուշի բերդաքաղաքի զարգացման Ռազմավարությունն ու Հայեցակարգը:
11. Մշակել Շուշի բերդաքաղաքի զարգացման գլխավոր հատակագիծը (12 000 $):
12. Պատրաստել վավերագրական ֆիլմ Շուշիի մասին, 25 րոպե, (8 000 $): Շուշի քաղաքի զարգացման նպատակով ''Զբոսաշրջության զարգացման'' ծրագրով կազմակերպել ճարտարապետական միջազգային մրցույթ: Հաղթող ստեղծագործական խմբին պատվիրել մանրամասն նախագիծը:

Մեր հաշվարկային հաշիվները